Google ADS

Goditi me thikë ish-partneren, arrestohet një 41-vjeçar në Korçë

15:42 | 7 Nëntor 2024
R J

Policia e Korçës ka vënë në pranga 41-vjeçarin i cili një ditë më parë goditi me thikë ish-partneren e tij.

Ndaj tij rëndon akuza “Vrasja me dashje”, mbetur në tentativë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

“Në vijim të informacionit paraprak të dhënë ditën e djeshme, për ngjarjen e ndodhur në lagjen nr. 3, Korçë, informojmë se specialistët për Hetimin e Krimeve të Komisariatit të Policisë Korçë arrestuan në flagrancë për veprën penale “Vrasja me dashje”, mbetur në tentativë, shtetasin 41 vjeç, banues në fshatin Vithkuq, pasi goditi me thikë ish-partneren e tij, e cila aktualisht është jashtë rrezikut për jetën”, thuhet në njoftimin e policisë./abcnews.al/

Shpërndaje në rrjete sociale

Lajmet më të lexuara

Të ngjashme

Foto lajm